Duplex argitsua

Zer genuen ?

Familiako etxeari bizitza berri bat eman nahi zitzaion, baina, duplex honen bi solairuak lotzen zituen eskailera ez zem erosoa eta leku gehiegi hartzen zuen.

Zer egin dugu?

Barne-banaketa berria antolatzeko abiapuntua “L” formako eskilara birdiseinatu eta ibilbide zuzena duen eskilara batengatik ordezkatzea izan da. Jangela eta egongelaren arteko banaketak eraitsi eta hegoaldeko fatxadaren argitasuna baliatu dugu eguneko espazio atseginagoa sortzeko. Sukaldea jangelaren ondoan kokatu bada ere, isteko aukera eman diogu beirazko ate labainkorren bidez. Eguzkitan gosaltzeko barra bat ere sortu dugu sukalde barruan.

Eskilararen babes modura urritzaren egurrarekin eskuz egindako elementua diseinatu dugu, sofa gainean lasai jolastu dezaten umeek. Akabera eta instalakuntza guztiak berritu ditugu etxebizitza eroso eta efizienteagoa sortzeko.